Manghjendu pani è pani stantatu incù frastornu,
Era a miseria nera ch’ùn asistìa l’annoiu
Ma issu tacculu di machja omancu era u soiu.
Oghji tù circhi à campà
Ma ti ni fali capinghjò
Suttu à u pesu di a pighjò
Chi sè custrettu à pagà,
Pà a tarra chì tempi fà
Fù vinduta senza raghjò.
I in tempi a to minnanna curaia la so ciucciata
Ùn si cunniscìa scasciu ch’ugni cosa era cuntata,
Deci frateddi è sureddi erani duri à mantena
Ma d’un prufondu amori tutti i sapìa tena.
Oghji tù circhi à campà
Ramintendu quidda zidda,
Ma a paura ti pidda
Di ùn pudè più prufittà,
Ch’in quissa nova sucità
Pocu conta a famidda.
In i tempi i to avi campaiani di passioni
Tandu a sola richezza era quidda di l’unioni,
Pronti à dà una manu à metta un piattu in più
A sincera fratiddanza era una cumuna virtù.
Oghji tù circhi à campà
In issu mondu d’imbuffati,
Da u vanu accicati
È spruvisti di dignità,
Scurdendusi l’umanità
Lacata da l’antinati.